kyaa isi vaaste sinchaa thaa lahu se apne — Ali Ahmad Jalili

ham ne dekhaa hai zamaane kaa badalnaa lekin
un ke badle hue tevar nahin dekhe jaate

— Ali Ahmad Jalili

laai hai kis maqaam pe ye zindagi mujhe
mahsus ho rahi hai khud apni kami mujhe

— Ali Ahmad Jalili

nasheman hi ke luT jaane kaa gham hotaa to kyaa gham thaa
yahaan to bechne vaale ne gulshan bech Daalaa hai

— Ali Ahmad Jalili

roke se kahin haadsa-e-vaqt rukaa hai
shoalon se bachaa shahr to shabnam se jalaa hai

— Ali Ahmad Jalili

us shajar ke saae mein baiThaa huun main
jis ki shaakhon par koi pattaa nahin

— Ali Ahmad Jalili

gham se mansub karun dard kaa rishta de duun
zindagi aa tujhe jiine kaa saliqa de duun

— Ali Ahmad Jalili

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

saare jahaan se achchhaa hindostaan hamaaraa
ham bulbulein hain is ki ye gulsitaan hamaaraa

— Allama Iqbal