avvalin chaal se aage nahin sochaa main ne — Ali Iftikhar Jafri

niind aati hai magar jaag rahaa huun sar-e-khvaab
aankh lagti hai to ye umr guzar jaani hai

— Ali Iftikhar Jafri

kisi ki aankh kaa taaraa huaa karte the ham bhi to
achaanak shaam kaa taaraa nazar aayaa to yaad aayaa

— Ali Iftikhar Jafri

tum kisi sang pe ab sar ko Tikaa kar so jaao
kaun suntaa hai shab-e-gham kaa fasaanaa sar-e-raah

— Ali Iftikhar Jafri

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

sunaa hai vo mire baare mein sochtaa hai bahut
khabar to hai hi magar mo'tabar zyaada nahin

— Zafar Iqbal

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

— Allama Iqbal

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

— Muneer Shikohabadi

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'