Ali Iftikhar Jafri

chaman mein vo faraamoshi kaa mausam thaa main khud ko bhi

چمن میں وہ فراموشی کا موسم تھا میں خود کو بھی زمیں پر برگ آوارہ نظر آیا تو یاد آیا ابھی اک نسبت دار و رسن کا قرض باقی ہے فراز جاہ و منصب سے اتر آیا تو یاد آیا بھلایا گردش ایام نے دست پدر یوں تو مگر جب موڑ کوئی پر خطر آیا تو یاد آیا کسی کی آنکھ کا تارا ہوا کرتے تھے ہم بھی تو اچانک شام کا تارا نظر آیا تو یاد آیا بھرا بازار تھا کچھ جنس جاں کے دام لگ جاتے شہادت گاہ دنیا سے گزر آیا تو یاد آیا

sar bache yaa na bache turra-e-dastaar gayaa

سر بچے یا نہ بچے طرۂ دستار گیا شاہ کج فہم کو شوق دو سری مار گیا اب کسی اور خرابے میں صدا دے گا فقیر یاں تو آواز لگانا مرا بے کار گیا سرکشو شکر کرو جائے شکایت نہیں دار سر گیا بار گیا طعنہ اغیار گیا اولیں چال سے آگے نہیں سوچا میں نے زیست شطرنج کی بازی تھی سو میں ہار گیا صد ایام پہ پٹخے ہے دوانہ سر کو جس کو چاہا کہ نہ جائے وہی اس بار گیا

rang-e-mahfil se fuzun-tar miri hairaani hai

رنگ محفل سے فزوں تر مری حیرانی ہے پیرہن باعث عزت ہے نہ عریانی ہے نیند آتی ہے مگر جاگ رہا ہوں سر خواب آنکھ لگتی ہے تو یہ عمر گزر جانی ہے اور کیا ہے تری دنیا میں سوائے من و تو منت غیر کی ذلت ہے جہاں بانی ہے چوم لو اس کو اسی عالم مدہوشی میں آخر خواب وہی بے سر و سامانی ہے اپنے ساماں میں تصاویر بتاں ہیں یہ خطوط کچھ لکیریں ہیں کف دست ہے پیشانی ہے

bar-sar-e-baad huaa apnaa Thikaanaa sar-e-raah

برسر باد ہوا اپنا ٹھکانا سر راہ کام آیا مرا آواز لگانا سر راہ دوستو فرط جنوں راہ بدلتا ہے مری کس نے چاہا تھا تمہیں چھوڑ کے جانا سر راہ دل ملاقات کا خواہاں ہو تو خاک اڑتی ہے بچ کے چلتا ہوں تو ملتا ہے زمانا سر راہ یہ جو مٹی تن باقی کی لیے پھرتا ہوں چھوڑ جاؤں گا کہیں یہ بھی خزانا سر راہ تم کسی سنگ پہ اب سر کو ٹکا کر سو جاؤ کون سنتا ہے شب غم کا فسانا سر راہ رہ دنیا میں ٹھہرنا تو نہیں تھا دل کو مل گیا ہوگا کوئی خواب پرانا سر راہ