niind aati hai magar jaag rahaa huun sar-e-khvaab — Ali Iftikhar Jafri

kisi ki aankh kaa taaraa huaa karte the ham bhi to
achaanak shaam kaa taaraa nazar aayaa to yaad aayaa

— Ali Iftikhar Jafri

avvalin chaal se aage nahin sochaa main ne
ziist shatranj ki baazi thi so main haar gayaa

— Ali Iftikhar Jafri

tum kisi sang pe ab sar ko Tikaa kar so jaao
kaun suntaa hai shab-e-gham kaa fasaanaa sar-e-raah

— Ali Iftikhar Jafri

kam-umri mein sunet hain
mar jaate hain achchhe log

— Malikzada Javed

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

zindagi ke bahut qarib na jaa
faasla kuchh to apne dhyaan mein rakh

— Akmal Imaam

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal