'amir' imaam bataao ye maajraa kyaa hai — Ameer Imam

na aabshaar na sahraa lagaa sake qimat
ham apni pyaas ko le kar dahan mein lauT aae

— Ameer Imam

shahr mein saare charaaghon ki ziyaa khaamosh hai
tirgi har samt phailaa kar havaa khaamosh hai

— Ameer Imam

lagi vo tujh si to aalam mein munfarid Thahri
vagarna aam si lagti agar judaa lagti

— Ameer Imam

vo maarka ki aaj bhi sar ho nahin sakaa
main thak ke muskuraa diyaa jab ro nahin sakaa

— Ameer Imam

apni taraf to main bhi nahin huun abhi talak
aur us taraf tamaam zamaana usi kaa hai

— Ameer Imam

jo shaam hoti hai har roz haar jaataa huun
main apne jism ki parchhaaiyon se laDte hue

— Ameer Imam

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb