uThaa ke haath duaa maangne lage hain charaagh — A.R. Sahil 'Aleeg'

gulaab khvaab sitaare dhanak udaas charaagh
paDi hai fasl-e-mohabbat kaTi-kaTaai sabaa

— A.R. Sahil 'Aleeg'

ho na paae jab mukammal ishq kaa qissa to phir
shohratein rahne do ab gum-naamiyaan hi Thiik hain

— A.R. Sahil 'Aleeg'

piine paDte hain sainkaDon aansu
dard khud to davaa nahin hotaa

— A.R. Sahil 'Aleeg'

kyaa bataaun main ki tum ne kis ko saunpi hai hayaa
is liye sochaa miri khaamoshiyaan hi Thiik hain

— A.R. Sahil 'Aleeg'

is qadar mujh pe marti hai pagli koi
rone lagti hai d p haTaane ke baad

— A.R. Sahil 'Aleeg'

shaam ke tan par saji jo surmai poshaak hai
ham charaaghon ki faqat ye raushni poshaak hai

— A.R. Sahil 'Aleeg'

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq