ruh-e-badan zaraa si to ghabraani chaahiye — Armaan Jodhpuri

kaam ho to kaam karnaa vaqt ho to shaa'iri
naukri apni jagah hai shaa'iri apni jagah

— Armaan Jodhpuri

mo'jiza aur bhalaa is se baDaa kyaa hogaa
dard is dil mein hai girte hain tumhaare aansu

— Armaan Jodhpuri

hai mere dil ko anaa is qadar 'aziz ki vo
taDapne bhi nahin detaa hai aah bhar ke mujhe

— Armaan Jodhpuri

pyaasi bahut thiin hasratein lo aaj mar gaiin
baarish kaa intizaar thaa vo bhi nahin rahaa

— Armaan Jodhpuri

jis ke dam se thi jism ki raunaq
us udaasi ke haath piile hue

— Armaan Jodhpuri

duriyaan tum ne hi baDhaai thiin
ham to apni jagah pe Thahre hain

— Armaan Jodhpuri

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

— Fani Badayuni

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

— Mir Taqi Mir

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi