pyaasi bahut thiin hasratein lo aaj mar gaiin — Armaan Jodhpuri

kaam ho to kaam karnaa vaqt ho to shaa'iri
naukri apni jagah hai shaa'iri apni jagah

— Armaan Jodhpuri

mo'jiza aur bhalaa is se baDaa kyaa hogaa
dard is dil mein hai girte hain tumhaare aansu

— Armaan Jodhpuri

hai mere dil ko anaa is qadar 'aziz ki vo
taDapne bhi nahin detaa hai aah bhar ke mujhe

— Armaan Jodhpuri

jis ke dam se thi jism ki raunaq
us udaasi ke haath piile hue

— Armaan Jodhpuri

aakhir tire savaal kaa main kyaa javaab duun
ai mere ham-khayaal zaraa sochne to de

— Armaan Jodhpuri

duriyaan tum ne hi baDhaai thiin
ham to apni jagah pe Thahre hain

— Armaan Jodhpuri

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

phir baiThe baiThe vaada-e-vasl us ne kar liyaa
phir uTh khaDaa huaa vahi rog intizaar kaa

— Ameer Minai

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

kisi ke raste pe kaise nazrein jamaae rakkhun
abhi to karnaa mujhe hai khud intizaar meraa

— Alam Khursheed

mujh ko lagtaa hai ghaDi jis ne banaai hogi
intizaar us ko bhi shiddat se kisi kaa hogaa

— Sabir Aafaque