ik nai tarz kaa kirdaar diyaa jaaegaa — Asad Awan

khud-bakhud chhoD gae hain to chalo Thiik huaa
itne ahbaab kahaan ham se sanbhaale jaate

— Asad Awan

nit-nayaa tu ne zamaane mein kharidaa badlaa
tere kahne pe kahaan ham ne aqida badlaa

— Asad Awan

umr-bhar maan ki nasihat pe zamaane mein 'asad'
faatima-zehraa ke bachchon se vafaadaari ki

— Asad Awan

is mohabbat ne hamein joD diyaa aapas mein
varna ham donon kaa ik jaisaa aqida to na thaa

— Asad Awan

koi to dekhe miri bebasi mohabbat mein
main aap apni jahaan mein hansi uDaataa phirun

— Asad Awan

guzar na jaae ye mausam basant kaa mausam
banafsha phuul khile har taraf zamin ke liye

— Asad Awan

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

aasmaan jhaank rahaa hai 'khaalid'
chaand kamre mein mire utraa hai

— Khalid Sharif