dekhne ke liye saaraa aalam bhi kam — Asad Badayuni

meri rusvaai ke asbaab hain mere andar
aadmi huun so bahut khvaab hain mere andar

bichhaD ke tujh se kisi dusre pe marnaa hai
ye tajraba bhi isi zindagi mein karnaa hai

chashm-e-inkaar mein iqraar bhi ho saktaa thaa
chheDne ko mujhe phir meri anaa puchhti hai

jam gai dhuul mulaaqaat ke aainon par
mujh ko us ki na use meri zarurat koi

vahaan bhi mujh ko khudaa sar-buland rakhtaa hai
jahaan saron ko jhukaae zamaana hotaa hai

gaanv ki aankh se basti ki nazar se dekhaa
ek hi rang hai duniyaa ko jidhar se dekhaa