baat khote jo iltijaa karte — Asar Lakhnavi

palkein ghaneri gopiyon ki Toh liye hue
raadhaa ke jhaankne kaa jharoka ghazab ghazab

— Asar Lakhnavi

aaj kuchh mehrbaan hai sayyaad
kyaa nasheman bhi ho gayaa barbaad

— Asar Lakhnavi

karam par bhi hotaa hai dhokaa sitam kaa
yahaan tak alam-aashnaa ho gae ham

— Asar Lakhnavi

jo sazaa diije hai bajaa mujh ko
tujh se karni na thi vafaa mujh ko

— Asar Lakhnavi

sanaa teri nahin mumkin zabaan se
maaani duur phirte hain bayaan se

— Asar Lakhnavi

qaasid payaam un kaa na kuchh der abhi sunaa
rahne de mahv-e-lazzat-e-zauq-e-khabar mujhe

— Asar Lakhnavi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh