mere dil o dimaagh pe chhaae hue ho tum — Asar Mahboob

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil se pahunchi to hain aankhon mein lahu ki bundein
silsila shishe se miltaa to hai paimaane kaa

dost-daar-e-dushman hai e'timaad-e-dil maalum
aah be-asar dekhi naala naa-rasaa paayaa

aage thaa dil hi miraa ab hai khudaa aap kaa naam
zauq se samajhiye aap is ko nagina apnaa

dil mein ab us ke jo lahr aai hai ghar jaane ki
tu bhi rone ki jhaDi dida-e-khun-baar lagaa