ai fanaa TuuT sakegi na kabhi kashti-e-umr — Asar Sahbai

tumhaari yaad mein duniyaa ko huun bhulaae hue
tumhaare dard ko siine se huun lagaae hue

— Asar Sahbai

ye husn-e-dil-fareb ye aalam shabaab kaa
goyaa chhalak rahaa hai piyaala sharaab kaa

— Asar Sahbai

tere shabaab ne kiyaa mujh ko junun se aashnaa
mere junun ne bhar diye rang tiri shabaab mein

— Asar Sahbai

jis husn ki hai chashm-e-tamannaa ko justuju
vo aaftaab mein hai na hai maahtaab mein

— Asar Sahbai

ilaahi kashti-e-dil bah rahi hai kis samundar mein
nikal aati hain maujein ham jise saahil samajhte hain

— Asar Sahbai

saari duniyaa se be-niyaazi hai
vaah ai mast-e-naaz kyaa kahnaa

— Asar Sahbai

kam-umri mein sunet hain
mar jaate hain achchhe log

— Malikzada Javed

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

zindagi ke bahut qarib na jaa
faasla kuchh to apne dhyaan mein rakh

— Akmal Imaam

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar