itni zamin hi chaahiye bas mujh ko gaanv mein — Ashfaq Shaheen

ham tire hijr mein yuun zard hue jaate hain
log takte hain to hamdard hue jaate hain

— Ashfaq Shaheen

aati kab hai roz bulaanaa paDti hai
niind ki khaatir goli khaanaa paDti hai

— Ashfaq Shaheen

akelaa aa rahaa hai yaa unhein bhi saath laataa hai
zaraa puchho khabar to lo december kyaa bataataa hai

— Ashfaq Shaheen

iraade garche lahron ke baDe sadmaat vaale hain
ye dariyaa ko bataa denaa ki ham gujraat vaale hain

— Ashfaq Shaheen

subh-e-nau ke vaaste bekaar huun
main guzishta roz kaa akhbaar huun

— Ashfaq Shaheen

main adh-maraa gulaab sar-e-shaakh-e-nim-jaan
haathon se tu ne mujh ko sanvaaraa to main gayaa

— Ashfaq Shaheen

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb