ham aise log bahut der tak nahin rahte — Asif Bilal

jaane lagtaa huun to vo paanv pakaD letaa hai
aur sitam ye hai ki siine se lagaataa bhi nahin

— Asif Bilal

vo lamhe-bhar ko tasavvur se bhi nahin jaataa
isi liye to use apni jaan bolte hain

— Asif Bilal

taraqqiyaat ki ye kaun si ghaDi hai jahaan
sab apne aap mein baazaar honaa chaahte hain

— Asif Bilal

pech-dar-pech hui jaati hai duniyaa ham par
jaane kyon is pe ham aasaan hue jaate hain

— Asif Bilal

ab bahut dasht-navardi hui 'aasif' saahab
ab badan maut ki aavaaz pe haan chaahtaa hai

— Asif Bilal

ham ne jis haadse pe sabr kiyaa
aap hote to mar gae hote

— Asif Bilal

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

aasmaan jhaank rahaa hai 'khaalid'
chaand kamre mein mire utraa hai

— Khalid Sharif