ghar hamaaraa phunk kar kal ik paDosi ai 'atiq' — Ateeq Allahabadi

'atiq' bujhtaa bhi kaise charaagh-e-dil meraa
lagi thi us ki hifaazat mein saari raat havaa

— Ateeq Allahabadi

honTon par ik baar sajaa kar apne honT
us ke baad na baatein karnaa so jaanaa

— Ateeq Allahabadi

navaaztaa thaa hamesha vo gham ki daulat se
aur is khazaane se main maalaa maal ho hi gayaa

— Ateeq Allahabadi

main ne puchhaa ye bataa mujh se bichhaDne kaa tujhe
kuchh qalaq hotaa hai kyaa us ne kahaa thoDaa bahut

— Ateeq Allahabadi

dev pari ke qisse sun kar
bhuke bachche so lete hain

— Ateeq Allahabadi

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar