bachchon ko sulaa dein to ham-saaya nahin sotaa — Athar Shah Khan Jaidi

biviyaan chaar hain aur phir bhi hasinon se shaghaf
bhaai tu baiTh ke aaraam se ghar-baar chalaa

— Athar Shah Khan Jaidi

koi to DhunD ke laae ki muntazim hai kahaan
lifaafa gar nahin detaa na de kiraaya to de

— Athar Shah Khan Jaidi

khiDkiyon se nazar us ki haTti nahin
meraa beTaa to baaligh-nazar ho gayaa

— Athar Shah Khan Jaidi

magar bas apne hi baare mein kuchh nahin maalum
maroD kal se jo meade mein hai sabab kyaa hai

— Athar Shah Khan Jaidi

vo saadgi mein un ko do saamain samjhaa
bas aaThvin ghazal par munkir-nakir bhaage

— Athar Shah Khan Jaidi

laDke ki amaan ye bolin kaam kare us ki juuti
do bhaai bhatta lete hain abbaa khair se Daaku hain

— Athar Shah Khan Jaidi

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun

— Kausar Mazhari

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

— Nazeer Akbar Abadi

dil ki lahron kaa tul-o-arz na puchh
kabhu dariyaa kabhu safinaa hai

— Shaikh Zahuruddin Hatim

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

— Agha Hajju Sharaf

chaand bhi hairaan dariyaa bhi pareshaani mein hai
aks kis kaa hai ki itni raushni paani mein hai

— Farhat Ehsas