didaar ki talab ke tariqon se be-khabar — Azad Ansari

vo kaafir-nigaahein khudaa ki panaah
jidhar phir gaiin faisla ho gayaa

— Azad Ansari

ham ko na mil sakaa to faqat ik sukun-e-dil
ai zindagi vagarna zamaane mein kyaa na thaa

— Azad Ansari

afsos be-shumaar sukhan-haa-e-guftani
khauf-e-fasaad-e-khalq se naa-gufta rah gae

— Azad Ansari

sazaaein to har haal mein laazmi thiin
khataaein na kar ke pashemaaniyaan hain

— Azad Ansari

banda-parvar main vo banda huun ki bahr-e-bandagi
jis ke aage sar jhukaa dungaa khudaa ho jaaegaa

— Azad Ansari

talab-e-aashiq-e-saadiq mein asar hotaa hai
go zaraa der mein hotaa hai magar hotaa hai

— Azad Ansari

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq