ham ko na mil sakaa to faqat ik sukun-e-dil — Azad Ansari

vo kaafir-nigaahein khudaa ki panaah
jidhar phir gaiin faisla ho gayaa

didaar ki talab ke tariqon se be-khabar
didaar ki talab hai to pahle nigaah maang

afsos be-shumaar sukhan-haa-e-guftani
khauf-e-fasaad-e-khalq se naa-gufta rah gae

sazaaein to har haal mein laazmi thiin
khataaein na kar ke pashemaaniyaan hain

banda-parvar main vo banda huun ki bahr-e-bandagi
jis ke aage sar jhukaa dungaa khudaa ho jaaegaa

talab-e-aashiq-e-saadiq mein asar hotaa hai
go zaraa der mein hotaa hai magar hotaa hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

taa-umr tiraa naqsh-e-farozaan rahe mujh mein
ik zakhm ki surat mire maathe pe ubhar jaa

aansu ponchhe dukh baanTe insaanon ke
main ne bhi to saari 'umr 'ibaadat ki

magar is khaamushi se ahl-e-dil kaa kuchh bharam to hai
jo kuchh kahiye to saari umr ki mahrumiyaan kahiye