mujh se milnaa hai to us shakhs ke hamraah milein — Basit Ali Raja

ek hi shakhs gavaaraa hai zamin par mujh ko
vo bhi aavaaz lagaae to palaTtaa nahin huun

— Basit Ali Raja

khaamushi hai har taraf har jaa musalsal khaamushi
khaamushi aisi ki khud ko sun nahin paataa huun main

— Basit Ali Raja

aisi vahshat hai mire dost tumhaari tasvir
aaj divaar se girte hi jalaa di main se

— Basit Ali Raja

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb

yuun to maujud apne ghar mein hai
aadmi mustaqil safar mein hai

— Saleem Amrohvi

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz