khushbu-e-murgh aati hai har lafz lafz se — Bazagh Bihari

baDaa ehsaan hai begam sudhaaraa aap ne mujh ko
vagarna zindagi kaTti miri khar-mastiyaan karte

— Bazagh Bihari

vo kitni jhiDkiyaan khaate hain subh-o-shaam biivi ki
magar vaaiz ko dekhaa aap ne aah-o-fughaan karte

— Bazagh Bihari

uThaayaa jis ne bhi juutaa baDhaayaa sar ham ne
qusur-vaar bas apnaa hi sar lage hai hamein

— Bazagh Bihari

tiin beTe the khudaa ke fazl se mere magar
innaa lillaah aakhiri beTaa bhi shaair ho gayaa

— Bazagh Bihari

masala ho saamne to is kaa hal bhi chaahiye
jab galaa achchhaa ho to achchhi ghazal bhi chaahiye

— Bazagh Bihari

munh apnaa ek baar jalaa thaa jo duudh se
piine lage hain phunk ke maThThaa tabhi se ham

— Bazagh Bihari

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

kab tak paDe rahoge havaaon ke haath mein
kab tak chalegaa khokhle shabdon kaa kaarobaar

— Adil Mansuri

kal yahi bachche samundar ko muqaabil paaeinge
aaj tairaate hain jo kaaghaz ki nannhi kashtiyaan

— Hasan Akbar Kamal

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood