baDaa ehsaan hai begam sudhaaraa aap ne mujh ko — Bazagh Bihari

vo kitni jhiDkiyaan khaate hain subh-o-shaam biivi ki
magar vaaiz ko dekhaa aap ne aah-o-fughaan karte

uThaayaa jis ne bhi juutaa baDhaayaa sar ham ne
qusur-vaar bas apnaa hi sar lage hai hamein

tiin beTe the khudaa ke fazl se mere magar
innaa lillaah aakhiri beTaa bhi shaair ho gayaa

masala ho saamne to is kaa hal bhi chaahiye
jab galaa achchhaa ho to achchhi ghazal bhi chaahiye

munh apnaa ek baar jalaa thaa jo duudh se
piine lage hain phunk ke maThThaa tabhi se ham

khushbu-e-murgh aati hai har lafz lafz se
karte hain guftugu jo kisi maulvi se ham

kam-umri mein sunet hain
mar jaate hain achchhe log

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

umr hi teri guzar jaaegi un ke hal mein
teraa bachcha jo savaalaat liye baiThaa hai

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai