mujhe shikva nahin barbaad rakh barbaad rahne de — Bedam Shah Warsi

ab aadmi kuchh aur hamaari nazar mein hai
jab se sunaa hai yaar libaas-e-bashar mein hai

— Bedam Shah Warsi

vo qulqul-e-minaa mein charche miri tauba ke
aur shisha-o-saaghar ki mai-khaane mein sargoshi

— Bedam Shah Warsi

apnaa to ye mazhab hai kaaba ho ki but-khaana
jis jaa tumhein dekheinge ham sar ko jhukaa deinge

— Bedam Shah Warsi

hamaari zindagi to mukhtasar si ik kahaani thi
bhalaa ho maut kaa jis ne banaa rakkhaa hai afsaana

— Bedam Shah Warsi

jis pe martaa huun use dekh to luun ji bhar ke
itni jaldi tu mire qatl mein jallaad na kar

— Bedam Shah Warsi

tum jo chaaho to mire dard kaa darmaan ho jaae
varna mushkil hai ki mushkil miri aasaan ho jaae

— Bedam Shah Warsi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

yuun barasti hain tasavvur mein puraani yaadein
jaise barsaat ki rim-jhim mein samaan hotaa hai

— Qateel Shifai

main us gulshan kaa bulbul huun bahaar aane nahin paati
ki sayyaad aan kar meraa gulistaan mol lete hain

— Haidar Ali Aatish