dekh kar mujh ko hans paDe hain vo — Betakalluf Shaajapuri

har ustaad shaair ke ghar mein mileinge
ye har day ye churan vaghaira vaghaira

— Betakalluf Shaajapuri

har chiiz mere ghar ki aashiq hui hai tujh par
deti hai meri murghi anDe tiri gali mein

— Betakalluf Shaajapuri

muskuraate hain gaaliyaan sun kar
ye siyaasat ki be-hayaai hai

— Betakalluf Shaajapuri

hain munne ki ammaa ki pakki saheli
shakuran ghafuran vaghaira vaghaira

— Betakalluf Shaajapuri

chhupaa luun 'be-takalluf' main bhi kaTTe
saudi jaa ke phir chanda karun main

— Betakalluf Shaajapuri

phuul jaate hain zaraa si baat par
kyaa chane ki daal jaise log hain

— Betakalluf Shaajapuri

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif