rahne de zikr-e-kham-e-zulf-e-musalsal ko nadim — Dattatriya Kaifi

jo chashm-e-dil-rubaa ke vasf mein ashaar likhtaa huun
to har har lafz par ahl-e-nazar ik saad karte hain

— Dattatriya Kaifi

tum se ab kyaa kahein vo chiiz hai daagh-e-gham-e-ishq
ki chhupaae na chhupe aur dikhaae na bane

— Dattatriya Kaifi

dam ghanimat hai saaliko meraa
jaras-e-daur ki sadaa huun main

— Dattatriya Kaifi

ye chalan hain to tumhein hashr se deinge tashbih
log saffaak kaheinge baDi rusvaai hai

— Dattatriya Kaifi

baadbaanon mein bhari hai is ke kyaa baad-e-nafas
kashti-e-umr-e-ravaan ko taab langar ki nahin

— Dattatriya Kaifi

vafaa par daghaa sulh mein dushmani hai
bhalaai kaa hargiz zamaana nahin hai

— Dattatriya Kaifi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

chaand ne taan li hai chaadar-e-abr
ab vo kapDe badal rahi hogi

— Jaun Elia