ye idaare bhi na honge jab to hai is kaa bhi Dar — Dilawar Figar

is kaa kyaa hogaa ye jo unvaan aadhaa rah gayaa
ye bhi lete jaaein jo saamaan aadhaa rah gayaa

main bhi thaa haazir bazm mein jab tu ne dekhaa hi nahin
main bhi uThaa kar chal diyaa bilkul nayaa juutaa tiraa

pakDi gai radif to fauran ye kah diyaa
likhnaa kabhi thaa aur main yahaan likh gayaa abhi

ek achchhaa-khaasaa mard zanaane mein ghus paDaa
goyaa ki ek chor khazaane mein ghus paDaa

ek shaadi to Thiik hai lekin
ek do tiin chaar had kar di

kyaa bataaun mein tumhein is shahr kaa jughraafiya
bambai hai ik ghazal gaD-baD hai jis kaa qaafiya

saal-e-nau aataa hai to mahfuz kar letaa huun main
kuchh puraane se calender zehn ki divaar par

jo hain mast-e-alast un ko khumaar-o-sukr kaa Dar kyaa
nigaah-e-tishna-kaam-e-ishq hi dast-e-mughaan tak hai

ai dost main khaamosh kisi Dar se nahin thaa
qaail hi tiri baat kaa andar se nahin thaa

rakh liyaa baar-e-amaanat sar pe be-khaufi ke saath
aur kyaa kartaa miraa divaana dil tere liye

manzil pe pahunch sakte nahin aise musaafir
har gaam pe ho khauf jinhein aabla-paa kaa

bajaa hai khvaab-navardi pa khvaab aaise hon
khule jo aankh to apnaa hi ghar khanDar na lage