khud-ba-khud chal ke samundar hi qarib aaegaa — Dinesh Kumar

dekho to kaam ek bhi ham ne kahaan kiyaa
puchho to ek pal ki bhi fursat nahin rahi

— Dinesh Kumar

dekho darakht kaaTne se pahle ek baar
in sabz Tahniyon pe koi ghonsla na ho

— Dinesh Kumar

mujh ko saphaltaa baiThe biThaae nahin mili
main ne guhar talaashe hain dariyaa khangaal kar

— Dinesh Kumar

maraasim barf mein dabne na paaein
qarib aao december aa rahaa hai

— Dinesh Kumar

kar ke taarif vo miri jhuTi
zahr dhimaa chaTaa gayaa hai mujhe

— Dinesh Kumar

shaairi naam tasavvur mein chhalakti mai kaa
mar hi jaate jo na piine ki ijaazat hoti

— Dinesh Kumar

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha