bahaa hai phuuT ke aankhon se aabla dil kaa — Dulhan Begum

itne kam-zarf nahin ham jo bahakte jaavein
misl-e-gul jaavein jidhar jaavein mahakte jaavein

— Dulhan Begum

din kaTaa fariyaad se aur raat zaari se kaTi
umr kaTne ko kaTi par kitni khvaari se kaTi

— Dulhan Begum

mat karo fikr imaarat ki koi zer-e-falak
khaana-e-dil jo giraa hai use taamir karo

— Dulhan Begum

bayaan main kis se karun jaa ke ab gila dil kaa
ye dil kaa dil hi mein hovegaa faisla dil kaa

— Dulhan Begum

jaa phansaa dil zulf mein ab soiye
shaam ke murde ko kab tak Dhoiye

— Dulhan Begum

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki