Dulhan Begum

itne kam-zarf nahin ham jo bahakte javen
misl-e-gul javen jidhar javen mahakte javen

bayan main kis se karun ja ke ab gila dil ka
ye dil ka dil hi men hovega faisla dil ka

din kaTa fariyad se aur raat zaari se kaTi
umr kaTne ko kaTi par kitni khvari se kaTi

mat karo fikr imarat ki koi zer-e-falak
khana-e-dil jo gira hai use ta.amir karo

baha hai phuuT ke ankhon se aabla dil ka
tari ki raah se jaata hai qafila dil ka

ja phansa dil zulf men ab soiye
shaam ke murde ko kab tak Dhoiye

itne kam-zarf nahin ham jo bahakte jaavein
misl-e-gul jaavein jidhar jaavein mahakte jaavein

din kaTaa fariyaad se aur raat zaari se kaTi
umr kaTne ko kaTi par kitni khvaari se kaTi

mat karo fikr imaarat ki koi zer-e-falak
khaana-e-dil jo giraa hai use taamir karo

bahaa hai phuuT ke aankhon se aabla dil kaa
tari ki raah se jaataa hai qaafila dil kaa

bayaan main kis se karun jaa ke ab gila dil kaa
ye dil kaa dil hi mein hovegaa faisla dil kaa

jaa phansaa dil zulf mein ab soiye
shaam ke murde ko kab tak Dhoiye