azmat-e-mulk is siyaasat ke — Dushyant Kumar

tu kisi rail si guzarti hai
main kisi pul saa thartharaataa huun

— Dushyant Kumar

maslahat-aamez hote hain siyaasat ke qadam
tu na samjhegaa siyaasat tu abhi naadaan hai

— Dushyant Kumar

ek qabristaan mein ghar mil rahaa hai
jis mein tah-khaanon se tah-khaane lage hain

— Dushyant Kumar

in ThiThurti ungliyon ko is lapaT par seink lo
dhuup ab ghar ki kisi divaar par hogi nahin

— Dushyant Kumar

kaise aakaash mein suraakh nahin ho saktaa
ek patthar to tabiat se uchhaalo yaaro

— Dushyant Kumar

tumhaare paaon ke niche koi zamin nahin
kamaal ye hai ki phir bhi tumhein yaqin nahin

— Dushyant Kumar

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

— Fani Badayuni

royaa thaa kaun kaun mujhe kuchh khabar nahin
main us ghaDi vatan se kai miil duur thaa

— Muneer Niyazi

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

ik khun-chakaan kafan mein karoDon banaao hain
paDti hai aankh tere shahidon pe huur ki

— Mirza Ghalib