Watan

vatan kī fikr kar nādāñ musībat aane vaalī hai
tirī barbādiyoñ ke mashvare haiñ āsmānoñ meñ

maz.hab nahīñ sikhātā aapas meñ bair rakhnā
hindī haiñ ham vatan hai hindostāñ hamārā

mīr-e-arab ko aa.ī ThanDī havā jahāñ se
merā vatan vahī hai merā vatan vahī hai

turkoñ kā jis ne dāman hīroñ se bhar diyā thā
merā vatan vahī hai merā vatan vahī hai

jannat kī zindagī hai jis kī fazā meñ jiinā
merā vatan vahī hai merā vatan vahī hai

ik ḳhūñ-chakāñ kafan meñ karoḌoñ banāo haiñ
paḌtī hai aañkh tere shahīdoñ pe huur kī

ham ahl-e-qafas tanhā bhī nahīñ har roz nasīm-e-sub.h-e-vatan
yādoñ se mo.attar aatī hai ashkoñ se munavvar jaatī hai

jo safāyā qaum kā kar de vahī leader hai aaj
ho safā.ī haath meñ jis ke vo hai ahl-e-hunar

ḳhudā bhī kaisā huā ḳhush mire qarīne par
mujhe shahīd kā darja milā hai jiine par

dayār-e-ġhair meñ luTte to koī baat na thī
luTe vatan meñ to sadma huā na jaane kyuuñ

vatan-parastī hamārā maz.hab haiñ jism-o-jāñ mulk kī amānat
kareñge barpā qahr adū par rahegā daa.im vatan salāmat

shahīdoñ kā tire shohra zamīñ se āsmāñ tak hai
falak se balki aage baḌh ke tere āstāñ tak hai

aisā hai ki sikkoñ kī tarah mulk-e-suḳhan meñ
jaarī koī ik yaad purānī kareñ ham bhī

mulk kī galiyāñ lahū piine kī aadī ho na jaa.eñ
ye ta.assub zahr kā zehnoñ meñ bharnā chhoḌ de

umr bhar sañg-zanī karte rahe ahl-e-vatan
ye alag baat ki dafnā.eñge e.azāz ke saath

rahzanoñ se mat Daro tum pārsāoñ se bachcho
leadarān-e-qaum kī zālim adāoñ se Daro

tum aao marg-e-shādī hai na aao marg-e-nākāmī
nazar meñ ab rah-e-mulk-e-adam yuuñ bhī hai aur yuuñ bhī

āzādī kī dhūmeñ haiñ shohre haiñ taraqqī ke
har gaam hai paspā.ī har vaz.a ġhulāmāna

na pūchho ham-safaro mujh se mājrā-e-vatan
vatan hai mujh pe fidā aur maiñ fidā-e-vatan

ai ḳhāk-e-vatan tujh se maiñ sharminda bahut huuñ
mahñgā.ī ke mausam meñ ye tyauhār paḌā hai