usi ne chaand ke pahlu mein ik charaagh rakhaa — Faheem Shanas Kazmi

tumhaari yaad nikalti nahin mire dil se
nasha chhalaktaa nahin hai sharaab se baahar

— Faheem Shanas Kazmi

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

— Faheem Shanas Kazmi

bichhaD ke tujh se tiri yaad bhi nahin aai
makaan ki samt palaT kar makin nahin aayaa

— Faheem Shanas Kazmi

phir vahi shaam vahi dard vahi apnaa junun
jaane kyaa yaad thi vo jis ko bhulaae gae ham

— Faheem Shanas Kazmi

jin ko chhu kar kitne 'zaidi' apni jaan ganvaa baiThe
mere ahd ki shahnaazon ke jism baDe zahrile the

— Faheem Shanas Kazmi

kisi ke dil mein utarnaa hai kaar-e-laa-haasil
ki saari dhuup to hai aaftaab se baahar

— Faheem Shanas Kazmi

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

vo chaand hai to aks bhi paani mein aaegaa
kirdaar khud ubhar ke kahaani mein aaegaa

— Iqbal Sajid

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

yakka ulaT ke rah gayaa ghoDaa bhaDak gayaa
kaali saDak pe chaand saa chehra chamak gayaa

— Mohammad Alvi

vaqt hai ab namaaz-e-maghrib kaa
chaand rukh lab shafaq hai gesu shaam

— Siraj Aurangabadi