tire moze yahin par rah gae hain — Fahmi Badayuni

kaash vo raaste mein mil jaae
mujh ko munh pher kar guzarnaa hai

khuun pilaa kar jo sher paalaa thaa
us ne circus mein naukri kar li

pareshaan hai vo jhuTaa ishq kar ke
vafaa karne ki naubat aa gai hai

Tahalte phir rahe hain saare ghar mein
tiri khaali jagah ko bhar rahe hain

aaj paivand ki zarurat hai
ye sazaa hai rafu na karne ki

puchh lete vo bas mizaaj miraa
kitnaa aasaan thaa ilaaj miraa