yahi sab log hain in sab ne miraa qatl kiyaa — Faisal Fehmi

kisi fard-e-mohabbat se bhalaa ummid kyaa rakhnaa
mohabbat bevafaa thi bevafaa hai bevafaa hogi

— Faisal Fehmi

pahle tamaam shahr ko sahraa banaaeinge
phir vahshaton ki ret pe soyaa kareinge ham

— Faisal Fehmi

taa-umr tifl-e-dil pe yatimi kaa karb thaa
koshish to ki magar main kabhi maan na ban sakaa

— Faisal Fehmi

main apne aap kaa sab se baDaa mukhaalif huun
miri hi tarah kaa ik shakhs aur hai mujh mein

— Faisal Fehmi

taarik saraabon ki chakaa-chaund mein gum-sum
thaa sakht musalmaan main imaan se pahle

— Faisal Fehmi

bahtaa rahaa main saahil-e-duniyaa ki ret par
aakhir badan ki khaak sameTi to ghar gayaa

— Faisal Fehmi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

jaise ye mez miTTi kaa haathi ye phuul
ek kone mein ham bhi hain rakkhe hue

— Shariq Kaifi