jaise ye mez miTTi kaa haathi ye phuul — Shariq Kaifi

bahut hasin raat hai magar tum to so rahe ho
nikal ke kamre se ik nazar chaandni to dekho

vo basti naa-khudaaon ki thi lekin
mile kuchh Dubne vaale vahaan bhi

kis tarah aae hain is pahli mulaaqaat talak
aur mukammal hai judaa hone ki tayyaari bhi

manzilon par ham milein ye tai huaa
vaapsi mein saath pakkaa kar liyaa

kahin na thaa vo dariyaa jis kaa saahil thaa main
aankh khuli to ik sahraa ke muqaabil thaa main

rukaa mahfil mein itni der tak main
ujaalon kaa buDhaapaa dekh aayaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

qaatil tiri gali bhi badaun se kam nahin
jis ke qadam qadam pe mazaar-e-shahid hai

sabza o gul kahaan se aae hain
abr kyaa chiiz hai havaa kyaa hai

gul kiyaa jis ne vo thaa aur magar
shama ne shikva havaaon se kiyaa