ghairat-e-ahl-e-chaman ko kyaa huaa — Fana Nizami Kanpuri

gham se naazuk zabt-e-gham ki baat hai
ye bhi dariyaa hai magar Thahraa huaa

— Fana Nizami Kanpuri

vo aankh kyaa jo aariz o rukh par Thahar na jaae
vo jalva kyaa jo diida o dil mein utar na jaae

— Fana Nizami Kanpuri

mujhe rutba-e-gham bataanaa paDegaa
agar mere pichhe zamaana paDegaa

— Fana Nizami Kanpuri

tire vaadon pe kahaan tak miraa dil fareb khaae
koi aisaa kar bahaana miri aas TuuT jaae

— Fana Nizami Kanpuri

ik tujh ko dekhne ke liye bazm mein mujhe
auron ki samt maslahatan dekhnaa paDaa

— Fana Nizami Kanpuri

koi paaband-e-mohabbat hi bataa saktaa hai
ek divaane kaa zanjir se rishta kyaa hai

— Fana Nizami Kanpuri

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

ai sanam tu vo kanhayyaa hai balaaein luun agar
baansuli ki tarah naalaan hon saraapaa ungliyaan

— Mohsin Khan Mohsin