tiraa didaar ho aankhein kisi bhi samt dekhein — Farhat Nadeem Humayun

dil aisaa makaan hai jo agar TuuT gayaa to
lag jaaeingi sadiyaan nai taamir mein likh de

— Farhat Nadeem Humayun

nahin hoti hai raah-e-ishq mein aasaan manzil
safar mein bhi to sadiyon ki masaafat chaahiye hai

— Farhat Nadeem Humayun

milnaa hai agar khud se to phir der na karnaa
kho jaane kaa Dar hotaa hai taakhir mein likh de

— Farhat Nadeem Humayun

meraa har khvaab to bas khvaab hi jaisaa niklaa
kyaa kisi khvaab ki taabir bhi ho sakti hai

— Farhat Nadeem Humayun

DhunDeinge har ik chiiz mein jiine ki umangein
dil ki kisi khvaahish ko bhi maareinge nahin ham

— Farhat Nadeem Humayun

ye kyuun kahte ho raah-e-ishq par chalnaa hai ham ko
kaho ki zindagi se ab faraaghat chaahiye hai

— Farhat Nadeem Humayun

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

huaa hai shah kaa musaahib phire hai itraataa
vagarna shahr mein 'ghaalib' ki aabru kyaa hai

— Mirza Ghalib

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

us ko aanaa thaa ki vo mujh ko bulaataa thaa kahin
raat bhar baarish thi us kaa raat bhar paighaam thaa

— Zafar Iqbal