hatheli se ThanDaa dhuaan uTh rahaa hai — Fariha Naqvi

ain mumkin hai use mujh se mohabbat hi na ho
dil bahar-taur use apnaa banaanaa chaahe

— Fariha Naqvi

vo khudaa hai to bhalaa us se shikaayat kaisi?
muqtadir hai vo sitam mujh pe jo Dhaanaa chaahe

— Fariha Naqvi

kis kis phuul ki shaadaabi ko maskh karoge bolo!!!
ye to us ki den hai jis ko chaahe vo mahkaae

— Fariha Naqvi

andar aisaa habs thaa main ne khol diyaa darvaaza
jis ne dil se jaanaa hai vo khaamoshi se jaae

— Fariha Naqvi

aankh aur baadal donon TuuT ke rote hain
jaane in kaa aapas mein kyaa rishta hai

— Fariha Naqvi

tumhaare rang phike paD gae naan
miri aankhon ki viraani ke aage

— Fariha Naqvi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

— Abu Mohammad Sahar

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

— Sandeep Gupte

par katar paai jab na khvaabon ke
band hi kar diin khiDkiyaan main ne

— Ameeta Parsuram Meeta

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

— Imdad Imam Asar