zehn ki aavaargi ko bhi panaahein chaahiye — Farooq Shafaq

din kisi tarah se kaT jaaegaa saDkon pe 'shafaq'
shaam phir aaegi ham shaam se ghabraaeinge

— Farooq Shafaq

sunaa hai har ghaDi tu muskuraataa rahtaa hai
mujhe bhi jazb zaraa kar ke jism-o-jaan mein milaa

— Farooq Shafaq

aaj sochaa hai jaagungaa main raat mein
kachche phal saa mujhe toDtaa kaun hai

— Farooq Shafaq

shahr mein jiinaa hai chalnaa do-rukhi talvaar par
aadmi kis se bache kis ki taraf-daari kare

— Farooq Shafaq

apni laghzish ko to ilzaam na degaa koi
log thak-haar ke mujrim hamein Thahraaeinge

— Farooq Shafaq

hone vaalaa thaa ik haadsa rah gayaa
kal kaa sab se baDaa vaaqia rah gayaa

— Farooq Shafaq

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

maarka garm to ho lene do khun-rezi kaa
pahle shamshir ke niche hamin jaa baiTheinge

— Mir Taqi Mir

meri chaadar to chhini thi shaam ki tanhaai mein
be-ridaai ko miri phir de gayaa tashhir kaun

— Parveen Shakir