Farooq Shafaq

samne jhiil hai jhiil men asman
asman men ye uDta hua kaun hai

din kisi tarah se kaT ja.ega saDkon pe 'shafaq'
shaam phir aa.egi ham shaam se ghabra.enge

hone vaala tha ik hadsa rah gaya
kal ka sab se baDa vaqi.a rah gaya

shahr men jiina hai chalna do-rukhi talvar par
aadmi kis se bache kis ki taraf-dari kare

andhiyon ka khvab adhura rah gaya
haath men ik sukha patta rah gaya

is siyah-khane men tujh ko jagna hai raat bhar
in sitaron ko na be-maqsad hatheli par bujha

zehn ki aavaargi ko bhi panaahein chaahiye
yuun na shamon ko kisi dahliz par rakh kar bujhaa

din kisi tarah se kaT jaaegaa saDkon pe 'shafaq'
shaam phir aaegi ham shaam se ghabraaeinge

sunaa hai har ghaDi tu muskuraataa rahtaa hai
mujhe bhi jazb zaraa kar ke jism-o-jaan mein milaa

aaj sochaa hai jaagungaa main raat mein
kachche phal saa mujhe toDtaa kaun hai

shahr mein jiinaa hai chalnaa do-rukhi talvaar par
aadmi kis se bache kis ki taraf-daari kare

apni laghzish ko to ilzaam na degaa koi
log thak-haar ke mujrim hamein Thahraaeinge