isi khayaal mein din-raat main taDaptaa huun — George Puech Shor

ruke hai aamad-o-shud mein nafas nahin chaltaa
yahi hai hukm-e-ilaahi to bas nahin chaltaa

— George Puech Shor

jahaan mein zar kaa hai kaarkhaana na koi apnaa na hai yagaana
talaash-e-daulat mein hai zamaana khudaa hi haafiz hai muflisi kaa

— George Puech Shor

duur ham se hain vo to kyaa Dar hai
paas hai apne aarsi dil ki

— George Puech Shor

ik nazar ne kiyaa hai kaam tamaam
aarzu bhi to thi yahi dil ki

— George Puech Shor

adam se hasti mein jab ham aae na koi hamdard saath laae
jo apne the vo hue paraae ab aasraa hai to bekasi kaa

— George Puech Shor

us maah-ru pe aankh kisi ki na paD saki
jalva thaa tuur kaa ki saraasar vo nuur thaa

— George Puech Shor

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

ye sar-ba-mohr botalein hain jo sharaab ki
raatein hain un mein band hamaari shabaab ki

— Riyaz Khairabadi

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

— Saqib Lakhnavi