nahin hai TuuTe ki buuTi jahaan mein paidaa — George Puech Shor

ruke hai aamad-o-shud mein nafas nahin chaltaa
yahi hai hukm-e-ilaahi to bas nahin chaltaa

jahaan mein zar kaa hai kaarkhaana na koi apnaa na hai yagaana
talaash-e-daulat mein hai zamaana khudaa hi haafiz hai muflisi kaa

duur ham se hain vo to kyaa Dar hai
paas hai apne aarsi dil ki

ik nazar ne kiyaa hai kaam tamaam
aarzu bhi to thi yahi dil ki

adam se hasti mein jab ham aae na koi hamdard saath laae
jo apne the vo hue paraae ab aasraa hai to bekasi kaa

us maah-ru pe aankh kisi ki na paD saki
jalva thaa tuur kaa ki saraasar vo nuur thaa