kyaa huaa viraan kiyaa gar mohtasib ne mai-kada — Habeeb Moosavi

dil mein bhari hai khaak mein milne ki aarzu
khaakistari huaa hai hamaari qabaa kaa rang

— Habeeb Moosavi

zabaan par tiraa naam jab aa gayaa
to girte ko dekhaa sambhalte hue

— Habeeb Moosavi

taalib-e-bosa huun main qaasid vo hain khvaahaan-e-jaan
ye zaraa si baat hai milte hi tai ho jaaegi

— Habeeb Moosavi

asal saabit hai vahi shara kaa ik parda hai
daane tasbih ke sab phirte hain zunnaaron par

— Habeeb Moosavi

naaseh ye vaaz-o-pand hai bekaar jaaegaa
ham se bhi baada-kash hain kahin paarsaa hue

— Habeeb Moosavi

bahut dinon mein vo aae hain vasl ki shab hai
moazzin aaj na yaarab uThe azaan ke liye

— Habeeb Moosavi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

maarka garm to ho lene do khun-rezi kaa
pahle shamshir ke niche hamin jaa baiTheinge

— Mir Taqi Mir

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

vaqt hai ab namaaz-e-maghrib kaa
chaand rukh lab shafaq hai gesu shaam

— Siraj Aurangabadi