apne bistar pe dam na toD dein ham — Haider Allahabadi

itni jaldi nahin bichhaDnaa thaa
jitni jaldi bichhaD gai ho tum

— Haider Allahabadi

us ne kaisaa ye kaam kar Daalaa
meraa jiinaa haraam kar Daalaa

— Haider Allahabadi

teraa chehra to dekh rakkhaa hai
had hai teri jabin nahin dekhi

— Haider Allahabadi

kyon miraa intizaar karte ho
kis liye mujh se pyaar karte ho

— Haider Allahabadi

tiri yaad aai to kahti hain aankhein
ab aankhon se aansu bahaanaa paDegaa

— Haider Allahabadi

chhat pe aai ho aaj barson baad
dekh kar chaand Dar na jaae kahin

— Haider Allahabadi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

koi viraani si viraani hai
dasht ko dekh ke ghar yaad aayaa

— Mirza Ghalib

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

yuun barasti hain tasavvur mein puraani yaadein
jaise barsaat ki rim-jhim mein samaan hotaa hai

— Qateel Shifai

us ko bhi yaad karne ki fursat na thi mujhe
masruf thaa main kuchh bhi na karne ke baavajud

— Zafar Iqbal