siine mein raaz-e-ishq chhupaayaa na jaaegaa — Hameed Jalandhari

aane lage hain vo bhi ayaadat ke vaaste
ai chaaraagar mariz ko achchhaa kiyaa na jaae

— Hameed Jalandhari

un ki jafaaon par bhi vafaa kaa huaa gumaan
apni vafaaon ko bhi faraamosh kar diyaa

— Hameed Jalandhari

phir gai ik aur hi duniyaa nazar ke saamne
baiThe baiThe kyaa bataaun kyaa mujhe yaad aa gayaa

— Hameed Jalandhari

hui muddat ki un ko khvaab mein bhi ab nahin dekhaa
main jin galiyon mein apne doston ke saath khelaa thaa

— Hameed Jalandhari

bhuli nahin ujDe hue gulshan ki bahaarein
haan yaad hain vo din ki hamaaraa bhi khudaa thaa

— Hameed Jalandhari

kis shaan se gae hain shahidaan-e-ku-e-yaar
qaatil bhi haath uThaa ke sharik-e-duaa hue

— Hameed Jalandhari

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti