un ki jafaaon par bhi vafaa kaa huaa gumaan — Hameed Jalandhari

aane lage hain vo bhi ayaadat ke vaaste
ai chaaraagar mariz ko achchhaa kiyaa na jaae

siine mein raaz-e-ishq chhupaayaa na jaaegaa
ye aag vo hai jis ko dabaayaa na jaaegaa

phir gai ik aur hi duniyaa nazar ke saamne
baiThe baiThe kyaa bataaun kyaa mujhe yaad aa gayaa

hui muddat ki un ko khvaab mein bhi ab nahin dekhaa
main jin galiyon mein apne doston ke saath khelaa thaa

bhuli nahin ujDe hue gulshan ki bahaarein
haan yaad hain vo din ki hamaaraa bhi khudaa thaa

kis shaan se gae hain shahidaan-e-ku-e-yaar
qaatil bhi haath uThaa ke sharik-e-duaa hue

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe