mujh se ye pyaas kaa sahraa nahin dekhaa jaataa — Hamid Mukhtar Hamid

ye jafaaon ki sazaa hai ki tamaashaai hai tu
ye vafaaon ki sazaa hai ki pae-daar huun main

— Hamid Mukhtar Hamid

umr hi teri guzar jaaegi un ke hal mein
teraa bachcha jo savaalaat liye baiThaa hai

— Hamid Mukhtar Hamid

gir na jaae tire meyaar se andaaz-e-huruf
yuun kabhi naam bhi teraa nahin likhkhaa main ne

— Hamid Mukhtar Hamid

aaj kaa khat hi use bhejaa hai koraa lekin
aaj kaa khat hi adhuraa nahin likhkhaa main ne

— Hamid Mukhtar Hamid

ye buzurgon ki ravaa-daari ke pazh-murda gulaab
aabiyaari chaahte hain in mein chingaari na rakh

— Hamid Mukhtar Hamid

maqaam-e-zabt gham-e-ishq mein vo paidaa kar
ki tu khushi ko na tarse tujhe khushi tarse

— Hamid Mukhtar Hamid

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

par katar paai jab na khvaabon ke
band hi kar diin khiDkiyaan main ne

— Ameeta Parsuram Meeta

main ne dekhaa hai bahaaron mein chaman ko jalte
hai koi khvaab ki taabir bataane vaalaa

— Ahmad Faraz

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

— Malika Naseem

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

— Abu Mohammad Sahar