saugand hai hasrat mujhe ejaaz-e-sukhan ki — Hasrat Azimabadi

mai-kashi mein rakhte hain ham mashrab-e-durd-e-sharaab
jaam-e-mai chaltaa jahaan dekhaa vahaan par jam gae

— Hasrat Azimabadi

main 'hasrat' mujtahid huun but-parasti ki tariqat kaa
na puchho mujh ko kaisaa kufr hai islaam kyaa hogaa

— Hasrat Azimabadi

ham na jaanein kis taraf kaaba hai aur kidhar hai dair
ek rahti hai yahi us dar pe jaane ki khabar

— Hasrat Azimabadi

zaahidaa kis husn-e-gandum-e-gun pe hai teri nigaah
aaj tu meri nazar mein guna-e-aadam lagaa

— Hasrat Azimabadi

rahe hai naqsh mere chashm-o-dil par yuun tiri surat
musavvir ki nazar mein jis tarah tasvir phirti hai

— Hasrat Azimabadi

bhar ke nazar yaar na dekhaa kabhi
jab gayaa aankh hi bhar kar gayaa

— Hasrat Azimabadi

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

— Arzoo Lakhnavi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

hijr mein shiddat dikhaate hain sabhi 'aashiq magar
lutf tab hai vasl ho par aarzu baaqi rahe

— Euphonic Amit

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

— Wafa Naqvi