khudaa jaane kis kis ki ye jaan legi — Hasrat Jaipuri

divaar hai duniyaa ise raahon se haTaa de
har rasm-e-mohabbat ko miTaane ke liye aa

— Hasrat Jaipuri

kahin vo aa ke miTaa dein na intizaar kaa lutf
kahin qubul na ho jaae iltijaa meri

— Hasrat Jaipuri

kis vaaste likkhaa hai hatheli pe miraa naam
main harf-e-ghalat huun to miTaa kyuun nahin dete

— Hasrat Jaipuri

ham raaton ko uTh uTh ke jin ke liye rote hain
vo ghair ki baanhon mein aaraam se sote hain

— Hasrat Jaipuri

ye kis ne kahaa hai miri taqdir banaa de
aa apne hi haathon se miTaane ke liye aa

— Hasrat Jaipuri

jab pyaar nahin hai to bhulaa kyuun nahin dete
khat kis liye rakkhe hain jalaa kyuun nahin dete

— Hasrat Jaipuri

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

— Fani Badayuni

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

— Mir Taqi Mir

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

— Arshad Jamal Sarim

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi