Hasrat Jaipuri

آئے بہار بن کے لبھا کر چلے گئے کیا راز تھا جو دل میں چھپا کر چلے گئے کہنے کو وہ حسین تھے آنکھیں تھیں بے وفا دامن مری نظر سے بچا کر چلے گئے اتنا مجھے بتاؤ مرے دل کی دھڑکنو وہ کون تھے جو خواب دکھا کر چلے گئے

aae bahaar ban ke lubhaa kar chale gae

جب پیار نہیں ہے تو بھلا کیوں نہیں دیتے خط کس لئے رکھے ہیں جلا کیوں نہیں دیتے کس واسطے لکھا ہے ہتھیلی پہ مرا نام میں حرف غلط ہوں تو مٹا کیوں نہیں دیتے للٰلہ شب و روز کی الجھن سے نکالو تم میرے نہیں ہو تو بتا کیوں نہیں دیتے رہ رہ کے نہ تڑپاؤ اے بے درد مسیحا ہاتھوں سے مجھے زہر پلا کیوں نہیں دیتے جب اس کی وفاؤں پہ یقیں تم کو نہیں ہے حسرتؔ کو نگاہوں سے گرا کیوں نہیں دیتے

jab pyaar nahin hai to bhulaa kyuun nahin dete

شمع میں طاقت کہاں جو ایک پروانہ میں ہے لطف جلنے میں نہیں جل جل کے مر جانے میں ہے چاندنی راتوں میں اکثر سوچتا رہتا ہوں میں کس کی یہ تصویر ہے جو دل کے ویرانے میں ہے مے کی مستی تو اتر جاتی ہے تھوڑی دیر میں زندگی بھر کا نشہ آنکھوں کے پیمانے میں ہے تو کہے تو آسماں کی دھجیاں کر دوں صنم آج اک ایسی ہی وحشت تیرے دیوانے میں ہے

shama mein taaqat kahaan jo ek parvaane mein hai

ہم تجھ سے محبت کر کے صنم روتے بھی رہے ہنستے بھی رہے خوش ہو کے سہے الفت کے ستم روتے بھی رہے ہنستے بھی رہے ہے دل کی لگی کیا تجھ کو خبر اک درد اٹھا تھرائی نظر خاموش تھے ہم اس غم کی قسم روتے بھی رہے ہنستے بھی رہے یہ دل جو جلا اک آگ لگی آنسو جو بہے برسات ہوئی بادل کی طرح آوارہ تھے ہم روتے بھی رہے ہنستے بھی رہے

ham tujh se mohabbat kar ke sanam rote bhi rahe hanste bhi rahe

یہ کون آ گئی دل ربا مہکی مہکی فضا مہکی مہکی ہوا مہکی مہکی وہ آنکھوں میں کاجل وہ بالوں میں گجرا ہتھیلی پہ اس کے حنا مہکی مہکی خدا جانے کس کس کی یہ جان لے گی وہ قاتل ادا وہ قضا مہکی مہکی سویرے سویرے مرے گھر پہ آئی اے حسرتؔ وہ باد صبا مہکی مہکی

ye kaun aa gai dil-rubaa mahki mahki

تقدیر کا فسانہ جا کر کسے سنائیں اس دل میں جل رہی ہیں ارمان کی چتائیں سانسوں میں آج میرے طوفان اٹھ رہے ہیں شہنائیوں سے کہہ دو کہیں اور جا کے گائیں متوالے چاند سورج تیرا اٹھائیں ڈولا تجھ کو خوشی کی پریاں گھر تیرے لے کے جائیں تم تو رہو سلامت سہرا تمہیں مبارک میرا ہر ایک آنسو دینے لگا دعائیں

taqdir kaa fasaana jaa kar kise sunaaein